Тарих. Тұлға. Тағдыр. Жаңа кітаптың тұсау кесері Ұлы Жеңістің 75 жылдығына арналған фотоқұжаттар кітабы жарық көрді. Ел тарихын түгендеу, Елдің болашағы жолында жан қиған батыр бабаларымыздың ерлік рухына тағзым ету – бүгінгі ұрпақтың борышы. Архив - тарих тереңіне жалғасқан алтын тамыр. Дерек көздердің қайнар бұлағы.

Архив сөрелеріндегі сарғайған құжаттарда талай жандардың тағдыры мен тарихы жатыр. Ұлы Отан соғысына аттанған батыр жерлестеріміздің архив қорларынан алынған фото құжаттары кітап болып жарық көрді. Білім нәрімен сусындатар кітаптың төл мекені, халықтың рухани ордасы – кітапхана. Ұлы Жеңістің 75 жылдығына арналған бұл кітаптың да ел тарихы үшін қосар үлесі зор.